Mrs1amology: 【Project-Base教學模式】 新加坡卓薈幼稚園

每一間幼稚園都會有佢嘅個性，有啲人鍾意傳統學校， 

有啲人鍾意蒙特梭利， 

今日我就特別參觀左位於九龍塘嘅 SDM-Chatsworth International School (新加坡卓薈幼稚園)，

 亦係我認識第一間project base嘅幼稚園。。

佢地成個教育概念， 

令我諗返起我嘅大學年代啊！

📌為chatsworth國際姐妹校

📌始創於1995年，以新加坡課程為藍本
📌 校監Dr .Joyce Chun 係語言治療師， 而且好有耐性添

📌 定期都有 交流計劃可以同新加坡Chatsworth幼兒園嘅學生一齊上堂。
📌 飛唔到去當地都可以用視像一齊上堂。
📌 呢度仲有playgroup可以報名， 小試牛刀睇下小朋友啱唔啱。

林太備註一下，林太係讀Poly畢業嘅，

 Year One主要訓練creative thinking， 

即係日日畫Tree diagram 做mind map， 同埋做presentations，

 估唔到而家幼稚園都做到呢一套， 真係有莫名其妙嘅親切感！ 

有做過 Mind Map就會知道,

呢個係一個最好嘅聯想法,

除左可以鼓勵思考, 認真去了解物同物之間嘅關係外,

仲可以激發小朋友想像力!

冇錯，呢間sdm就即係我哋成日見到嗰間跳舞學校嗰個sdm， 

今次佢哋就合作將新加坡嘅教育理念帶後黎香港！

佢地相信每個學生都具有與別不同嘅天賦， 

所以主張小朋友由認識自己開始， 

再學習透過語言，文字或圖像等，一步步表達自己，介紹自己。

佢地畫左嘅自畫像, 仲有埋解說咖:) 

最後甚至通過同同學之間嘅討論交流，互相認識。 每一個專題習作，

都可以俾小朋友自我發掘，從而發揮佢哋最深藏不露嘅潛力！

眼耳口鼻圖象，配合輪盤咁去玩，　

唔再係用公仔去認識眼耳口鼻，

除左真實感外，

我覺得令小朋友更加清晰！

教材中, 仲有一個可以吹脹嘅肺!

比小朋友認識呼吸系統!!
(林太超欣賞!!!)

唔同觸感嘅教材，認識小手！

認識眼睛, 老師就比左個BB放大鏡比小朋友玩,

佢地十分興奮! 佢地雖然唔係好明點解會大大細細,

不過佢地都好認真周圍睇野呀:)

室外都有戶外教學，

仲有野玩，

例如呢個沖涼教材，

教小朋友刷走身上細菌呀！！

戶外仲有輕鬆玩，

玩一陣學一陣，

自己事半功倍啦～～～

林太好緊張幼稚園廁所,

因為呢個係維持小朋友健康最重要嘅元素,

冇人想「一返學就病」!

呢度我比90分,

因為每個坐廁都有板隔, 真係乾淨好多!

10分扣左咩?
扣左響洗手液度,如果可以選擇再溫和D就完美了~~

{林小姐用家心得}
玩咗一日除咗例牌最鍾意室外波波池之外， 佢第一次上堂咁專心， 

外籍老師 用活潑生動嘅方法，介紹眼耳口鼻，甚至訓練佢觸感五官， 

每一樣嘢都有玩具或者教材配合， 林小姐玩得好投入！

{家長試用報告}
參觀過唔同嘅幼稚園， 嚟嚟去去教材都係咁上下， 

反而呢度嘅教材真係第一次見， 

包括一個用膠袋扮嘅肺， 又或者係眼耳口鼻貼紙等， 

全部都係一啲好貼地實質生活化嘅概念， 唔再係文字卡， 

卡通圖案壁報， 呢樣嘢係我最鍾意同埋覺得最有價值嘅地方。