Mrs1am-ology:【孕媽日常 】 平民式長胎不長肉之秘方!

懷孕到5、6個月時，
發現「噫？點解個肚仲係咁細嘅？」
細到係搭地鐵一定唔會有人讓位果種！！
去產檢見到人地差唔多週數嘅準媽媽都肚大大，
其實心裡又羨慕又擔心！
Mrs.Lam本人係7星女，出世得2磅。。
所以對於bb磅數真係好緊張！

於是周圍問人有咩長胎方法，
綜合左啲意見，再加埋自己對食物嘅喜好，
揀左幾個易整又方便嘅「長貽餐單」！

有人話增加攝取蛋白質，可以促進BB成長，
於是我嘅早餐餐單首先加入左「雞蛋」呢個item喇!
簡單烚到全熟就可以，
但記得只食蛋白唔食蛋黃喎~
因為蛋黃好高膽固醇，少吃為妙！

又有人話蕃薯好長胎，
至於點解呢。。。其實我都唔係好明，
不過又即管試試！
不過記得如果血糖高嘅準媽媽就唔好食咁多喇，
因為蕃薯糖分都好高咖！

係人都話花膠最長胎，
我都知，但花膠貴丫嘛，
所以我一星期可能只會食一次！
簡單用雞、南棗，加埋花膠，
放入燉盅燉約2小時就食得，
其間完全唔需要理佢，係幾方便嘅。
記得用南棗，唔好用紅棗喎，因為紅棗好燥咖～

經過差唔多一個月嘅努力，
肚仔真係大左好多，
而本人又真係冇咩肥到呢～～

By Mrs1am

facebook : Mrs1am-ology
instagram :  mrs1am_ology
email : mrs1amology@gmail.com