Mrs1amology:【親子餐廳 都市裡的兒童森林 JUNGLE KING】

想搵間又好玩又好食嘅 #親子餐廳 又談何容易? 位於觀塘嘅 Jungle King 絕對係代表，

唔係咩大集團經營，只係一個媽媽創立，但樣樣野都做足一百分，

林太不禁講句，只有媽媽最明白媽媽需要！　

#獨立育嬰室 #親子廁所 #消毒清潔 #自設廚房 ，

♥️全店木製玩樂設施，質感可以幫助小朋友感官發展。

最最令人驚訝係。。。

竟然推出 #BLW 餐單，周到程度令人感動！

♥️大Ｂ區-波波池

所有玩樂設施都響波波池上面,好安全!

♥️大Ｂ區-吊橋

林小姐初初有小小驚.... 玩左2次之後..就...行得好快了~

♥️大Ｂ區-攀石牆

♥️大Ｂ區-大滑梯 X2
旋轉果條其實真係好刺激，好好玩！

♥️大Ｂ區-繩網
成日以為佢唔識玩, 其實佢玩幾次就可以自己做到了!

♥️小Ｂ區-廚房仔，車仔，仲有積木牆。

♥️閱讀區有書又有磁石牆拼圖。

♥️仲有車仔任玩。。。林小姐最愛！

♥️大人食物應有盡有，連沙律都有５款。

♥️ＢＢ可以叫BLW餐，媽媽咩都唔使帶，爽呀～

｛林太點評｝
作為一間親子餐廳，竟然推出BLW餐，令林太好驚喜，

諗起林小姐可以食大人野前，次次都係煮好哂先出去，但野食焗咁耐又淋哂，林小姐又DISLIKE。。。

唉，原來世界仲有咁貼心嘅好人，

照顧呢班BLW BB需要，新鮮整比BB食，真係太好 了！

Mrs1amology:【上海姥姥賀年菜 金湯全家福】

每年團年飯都要諗去食乜， 又要好意頭、又要特色、又要好食... 真係談何容易。。。 

今年我地提早自己團年， 就揀咗 上海姥姥 品嚐一個上海式團年飯！

🥢姥姥金湯全家福
呢道菜是上海人必吃福菜，8款主菜有肉厚海蔘、

金元寶珍蛋餃、福袋百葉包、

上海菜經典元素---鹹肉片、鮮甜大蝦、滑滑雞腿、

炸豬肉丸、鵪鶉蛋等，大大盤！ 

底層仲有好多吸哂湯汁嘅菜同粉絲。

🥢年年有餘老壇酸菜魚
辣辣地嘅酸菜魚，肉厚肥美冇骨魚片入饌，配唐芹、

肉碎、辣椒乾及花椒粒等， 辣而不油，送飯一流！

🥢大紅大紫小籠包小籠包
用火龍果汁取色作皮，製作紅卜卜小籠包，

加上鮮甜帶子作餡， 寓意大紅大紫 ！

🥢 吉祥平安八寶飯
甜品係八寶飯，紫、白糯米、杏脯、腰果碎和桂花糖，甜而不膩！

🥢自選飲品 [豆漿/雪梨紅棗茶/酸梅湯]
紅棗茶有熱有凍選擇，滋潤又健康！

上海姥姥

荔枝角深盛路9號宇晴匯2樓25-27號舖

Mrs1amology:【親子餐廳 搵冬甩先生食買玩！】

話說林小姐愛上咗 #愉景新城 嗰位冬甩先生， 每次去到都要搵佢拖下手咁， 

地下中庭嗰層最近開咗 #DonutVillage， 三萬呎空間包括購物大道，

以及重點必去嘅 #DonutCafe ！ 兩層高超大嘅玩樂設施，加上地下鋪曬軟墊嘅幼兒玩樂區， 

小朋友任意奔跑，爽啊！最重要係呢度自設廚房， 選用優質食材，

每日新鮮製作一系列美食，大人細路都可以超級享受！

♥️ 玩到盡♥️
兩層高嘅玩樂設施可以爬上爬落瘋狂喪跑！
💫 全透明吹氣泡泡跳彈床， 好似圓形床褥咁軟淋淋，瘋狂彈跳都好安全！
💫 滑梯隧道， 好高好刺激， 林小姐叫媽媽陪玩， 結果媽媽淆底， 佢自己玩。。
💫 七彩積木陣， 大大粒軟積木任砌， 高過林小小都得呀！
💫 #DonutAdventure 著上消防衫👩‍🚒或者護士服👩‍🔬，輪流角色扮演，救火救人，最緊要快！

♥️食到飽♥️
餐廳自設廚房，唔單止每道菜式都極具心思，而且上菜熱辣辣，真係好正！

🍴 太空船肉桂脆條
碎糖透明駕駛艙裏面，係雪糕同棉花糖，下層係肉桂脆條， 襯曬主題之餘又勁靚！

🍴 Donut milkshake
已新鮮果肉造嘅奶昔，加上一件冬甩，濃濃果味，淡淡甜香， 阿媽突然間覺得自己少女心返曬嚟！

🍴 焗芝士通心粉
全素食嘅菜式， 用南瓜同埋芝士焗， 簡直係為小朋友而設！

🍴 impossible漢堡
用植物製造肉創作而成嘅漢堡， 一口真係感覺啖啖肉，好神奇啊！ 不過林小姐話都係最鍾意炸番薯條。。狂食！

☀️ 除咗嘢食同設施都高質素之外，最欣賞係呢度有完美嘅育嬰設施， 包括親子廁所、換片室、獨立哺乳室等， 而且每一個時段佢哋都會全餐廳大清潔一次， 真係好乾淨玩得好放心！

#親子餐廳 #荃灣 #食買玩