Mrs1amology:【 情人節美味的花，MonkeyCafe】

媽媽重回奪情人崗位!自從生咗個女之後， 林生情人嘅位置就換咗林小姐， 只有每年嘅情人節佢先會醒起其實我先係佢情人。今年我哋提早慶祝情人節，爸爸帶我去 #英皇駿景酒店Monkey Cafe，重新慢慢細味屬於我哋兩個人嘅時光💕 感覺就好似返到未嫁時咁💕

🌹情人節套餐 🥀
［有氣白酒兩杯］
浪漫一定要有酒，有氣白酒甜甜地易入口， 唔識飲酒都可以試下，微微醉意真係好啱呢個氣氛呀！

［龍蝦芒果沙律配紅菜頭三文魚］
前菜令我哋最驚喜，三文魚卷都好似玫瑰花咁，有因為紅菜頭嘅染色，變咗有條靚靚紅邊， 仲要配上分子料理製作黑橄欖油粒粒，入口一咬黑橄欖油混合三文魚一齊食真係特別鮮味！

［意式蕃茄海鮮湯］
超濃郁意式蕃茄湯，入口creamy， 而且充滿海鮮清新香味， 入面仲有大蝦同埋帶子， 絕不馬虎！

［香烤牛肩扒拼鵝肝配紅酒濃汁］
絕對係爸爸嘅最愛，肉嫩juicy， 紅酒濃汁更加可以帶起牛肉鮮嫩嘅味道， 不過最驚喜反而係配菜， 切片薯仔中間每層夾住sour cream，好似匈牙利薯仔沙律嘅做法，超好食！ 呢種做法香港真係好少見！

［香烤比目魚拼大蝦配藏紅花泡沫汁］
媽媽食嘅係比目魚拼大蝦， 最驚喜嘅係比目魚超級厚， 而且肉亂鮮甜， 調味剛剛好唔會掩蓋到魚肉本身嘅味道，藏紅花泡沫汁入口即溶好得意呀！

［白朱古力心太軟］
入口有啲似奶黃質感， 甜到剛剛好， 男人們都會喜歡！ 而且份量都算大，精緻真係唔一定要細嘅！

［即磨咖啡或茶］
另一個驚喜位，絕對係響Coffee Bar發現一部 #LaMarzocco ， 名牌咖啡機呀！ 以前就算五星級酒店都會用自動機， 原來而家 已經有專人為你每次手工調製咖啡！

♥️後記♥️
去得酒店食情人節餐， 唔一定係天文數字， 呢個每道菜都有驚喜嘅套餐，只係988蚊兩個人， 而且環境靚靚坐得舒服，絕對係物超所值，林太至今都仲回味緊。

Mrs1amology:【驚喜+高質!親子晚餐 石門SuCasa】

自從林小姐開始進入兩歲跟大人食飯之後， 

林生林太決定重操故業 #foodie，

帶佢周圍試 #兒童餐，目標係繼承傳統，

做個 #babyfoodie ! 

今日就嚟到馬鞍山石門呢一間 Su Casa 

一家人享受一下！

♥️林太大讚♥️

🍍 家長最愛宜家傢俬bb櫈配宜家傢俬bb餐具， 一早已經準備好，圓形卡位坐得勁舒服！

🍍食物上桌前， 

爸爸媽媽最擔心就係肚餓嘅小朋友扭計， 

呢度只要每叫一個兒童餐就可以扭一隻蛋， 

唔好以為係咩垃圾玩具， 

林小姐扭咗佢第4最愛唐老鴨。

🍍 扭完蛋仲可以玩蠟筆油顏色，

等嘢食嘅時候就唔怕小朋友悶啦。

♥️美食推介♥️

🥕兒童餐🥕胡麻沙津，茄汁粟米雞粒意粉魚形魚餅，橙汁 $68

一直都好想比林小姐試下車仔餐，

呢個餐盤我曾經好想入手，但估唔到林小姐最愛係嗰塊魚形魚餅，

一見到就搶住食，

媽媽忍唔住食咗一啖睇下有咩魔力， 

真係好鮮甜juicy， 而且唔會太鹹， 

唔怪得林小姐一個人食曬成塊！

🍴香煎鴨肝配多士$ 88 🍴

前菜我哋揀咗鵝肝多士， 肉厚肥美，

 多士十分鬆脆，牛油味香濃，

真係頂級享受！

🍴龍蝦汁海鮮意大利飯$ 128 🍴

香濃嘅龍蝦汁燴飯， 鮮味十足，

配上帶子魷魚等海鮮， 真係足料又豐富，

林小姐都好鍾意食呢個飯添！

🍴炭燒紐西蘭肉眼$ 238 🍴

爸爸最愛就係食牛， 呢個炭燒肉眼扒，

肉厚、juicy、嫩滑，的確係水準之作，

估唔到佢啲配菜都好好食！

🍴燴車厘子金寶脆脆配雲呢拿雪糕$ 68🍴

本身想叫另一個甜品，

但經理話呢個係佢哋招牌甜品， 

所以我哋就信佢啦！

真係冇令我失望，

 一上枱見到個樣我已經尖叫， 

打開面頭粉紅色蛋白糖， 

仲要有煙噴出， 

我的少女心即刻返曬嚟!

鬆脆嘅金寶翠翠裏面係會燴車厘子， 

酸酸甜甜好特別好好味！ 

令我諗起匈牙利名菜車厘子湯， 

而家諗返起都想再食！

（ 我用咗咁多字講呢個甜品就知我幾驚喜啦！）

☕後記☕

同小朋友去食嘢唔一定要 #親子餐廳，

坊間好多小店嘢食水準一樣咁高，

而且環境配套一樣貼心， 

只要用心留意

一定搵到啱你同小朋友食嘢嘅地方！♥️

🍛Su Casa🍛

沙田石門安群街一號京瑞廣場二期地下G03號舖