Mrs1amology: 【零至百歲。早十晚十玩到盡】 Planet J Hong Kong

【零至百歲。早十晚十玩到盡】
一站式 #室內遊樂場 Planet J Hong Kong 黎啦， 

朝早十點開到晚上十點，由0歲至幾十歲人想玩嘅嘢都有齊， 

細嘅玩波波池滑梯、大嘅玩賽車vr， 

林生林太林小姐各有所愛， 玩足幾粒鐘唔願走！

｛林小姐推介必玩｝
神奇水流、球樂寶、發光球池、投影互動遊戲和特大滑梯，

配上夢幻的糖果色系波波。。。嘩。林小姐興奮到不得了！

♡ 雪國涼亭有幾條用風控制嘅吸管， 吸曬啲波波上去，

儲埋一定重量就會一次過跌落嚟，效果又靚又好玩！

♡ 互動遊戲只要簡單畫顏色，就可以阻止水流，改變水流， 勁得意！

♡ 唔少得小朋友波波池迷宮同滑梯， 無論玩幾多次都唔會厭！

｛林生推介必玩｝
最沉迷之地肯定係。。。片車! 講真香港真係冇乜邊度可以玩cart仔， 

今次真係過足癮， 要速度有速度， 掟彎夠曬刺激！！！

♡ 同場加映♡媽媽們都忍唔住落場玩返轉， 

不過手車呢。。 點解變咗碰碰車咁嘅?

超強推介 VR Zone ， 林生今次揀咗打喪屍， 結果佢玩咗成半個鐘頭都唔肯走， 

梗係啦 有超過六個遊戲任揀， 有最受歡迎嘅打喪屍， 

仲有「橙皮兔與時鐘怪」同埋由香港本地Planet J團隊開發「VR迷宮」!

｛林太推介必玩｝

全港首發Beat Saber ！ 呢部2018年曾經安排 響香港MAMA 頒獎禮會場試玩，

曾引起全球狂熱嘅音樂＋VR 街機 終於抵港 ，

光劍切削「節奏方塊」， 跟住接拍全身擺動， 勁過癮啊！

♡ 同場加映♡ 係賤兔呀!!!

~最強優惠一定要知~
如果你問我咁樣玩係咪好貴? 你可以先參考以下優惠※【免費玩 彈跳迷宮 / 飄移賽車 】※~現買$300**會員代幣套餐或以上，憑即日收據可享 [免費玩彈跳迷宮 或 飄移賽車]一節。

#PlanetJHongKong #PJHK #時代廣場  #遊樂場 #Facebook優惠只適用PlanetJHongKong  #參考圖片 #CARZYCART #彈跳迷宮

Mrs1am-ology :【最新親子餐廳 超好玩x超好食 Whizbo Kids Cafe】

萬眾期待馬鞍山 Whizbo Kids Cafe 終於隆重開幕， 超過5000呎面積， 分成多個玩樂區域， 包括一入門口就見到嘅木粒沙池， 然後就有白雪雪繩網，雪白波波池， 小朋友最鍾意嘅 #小煮子天地， 同埋創新 #夢幻化妝間， 男仔女仔都玩得不亦樂乎 ！ 親子餐廳有玩梗係有食， 由廚藝大師Bowie Yim精心設計又得意又好食嘅一系列卡通美食， 玩味性高，款式多變， 大人小朋友一樣食得咁開心 ！

｛必玩｝

#小煮子天地

除布藝蔬果任你shopping， 特大廚房任你發揮煮義， 最新仲有超人氣吸塵機玩具， 個個小朋友都好沉迷！ 如果喺屋企都咁幫得手就好啦!

#夢幻化妝間

簡直係女仔小天地， 可以隨意換上公主衫， 扮大人化妝set頭， 最吸引嘅一定係專業化妝鏡啦！ 仲有bb畀你湊，幫佢辦埋靚又點話丫!

｛必吃｝

#韓式媽媽雜菜拌飯

造型十分得意，十足十韓國阿豬媽， 頭髮係西蘭花、洋蔥、木耳、椰菜花、紅蘿蔔絲！

e

#卡通三文治

造型得意嘅三文治， 係一隻可愛嘅小熊仔， 白麵包裏面有芝士火腿， 小朋友都一定鍾意啦。

#粟米肉粒布甸飯

粟米蛋炒飯加埋鹹香肉鬆，講味道已經好吸引， 仲要以布甸造型亮相， 真正食得開胃又開心。

♡ 各款食物唔使造型得意、味道都十分出色， 最令媽媽們放心嘅係， 唔會太鹹唔會太濃， 各bb食得好放心！

♡ 作為最貼心設計親子餐廳，育嬰室同親子廁所一應俱全， 完全唔需要擔心。

♡位於馬鞍山最新商場we go mall入面， 好容易就搵到!

♡ 呢個商場另外仲有好多其他玩樂設施， 玩足一日都唔怕悶!

#馬鞍山 #WeGoMall #9樓 #最新親子餐廳 #星期一至五最低消費80蚊 #星期六日及公眾假期最低消費120蚊 #小朋友入場費48蚊起 #有得食有得玩

Mrs1amology: 【 👨‍🏭我的第一課科學堂 @Graceful Hands 】

想搵出小朋友嘅興趣只有一個方法 ， 就去不斷嘗試，不停俾機會佢哋去探索！今日就跟埋 Little Popstar Channel 帶林小姐去 Graceful Hands 上第一堂科學堂，之前都以為佢咩都唔會識玩，點知課程設計得十分有趣，林小姐好似突然開竅咁，每個遊戲都好熱烈參與，而且都做得唔錯啊，爸爸媽媽表示十分驚喜！

《Super Scientist !》
玩轉實驗室🔬個人風格 • 自由發揮

🤖是日遊戲🤖
🤯自製泡沫火山👨‍🔧驚喜度💥💥💥💥
小小火山放入梳打粉、泡泡液、再加上白醋， 就可以製造爆發效果， 成分安全，效果又得意，小朋友好驚喜! 佢哋暫時唔係好明白點解有咁嘅變化， 不過絕對係啟發佢哋思考嘅一道門！

🤯 光影故事👨‍🔧瘋狂度💥💥💥💥
記得細個嘅時候我哋都有玩過，用電筒同手，響牆上面做 #影畫戲 ! 小朋友們都覺得好神奇，個個都變左追影少年！

🤯 自製降落傘👨‍🔧 沉迷度💥💥💥💥💥
另一個膠袋同埋兩條繩加一粒珍寶珠，就可以製造一個降落傘，企高啲放落黎啦，好好玩!林小姐 沉迷咗喺呢個遊戲，不停叫老師抱佢上櫈仔，掉玩咗 7，8次都未肯收手。。。

🤲 做咗科學班之外呢度仲有烹飪班咖， 今日就見到其他同學仔煮整完pizza出嚟，香噴噴好吸引，啲小朋友一落堂就掛住食， 自己親手整出嚟嘅成果真係特別珍貴！

🤲 我哋今日去嘅係黃埔分校， 原來佢哋仲有美孚、北角、荃灣、元朗、將軍澳、青衣同埋尖沙咀分校，都幾方便！

🤲 今日林小姐純粹試玩，補充一下，小小科學家課程四歲起可以報名，每堂60分鐘。

website :http://www.gracefulhands.com

#gracefulhands #confidence #Energy
#Attitude #GoReal #English #Learn&Fun #Language #amazingstudents #FounderSays #趣味英語學習系統 #英語 #課程 #英語教育 #校長媽咪 #最愛金句 #popstarchannel #littlepopstarchannel #POPSTAR #星光博客 #PopStarGlobal #popstarevent2019

Mrs1amology:【730天母乳日記】

#千字文 #慎入 #母乳媽媽

不經不覺， 餵人奶餵咗兩年時光，記得林小姐出世後唔夠兩三個鐘，姑娘就嚟問我，想唔想試下埋身餵bb， 然後我就抱住bb，徬徨無助感咁質bb個頭埋心口， 100%新手媽媽嘅我，（ 而家覺得自己係半個老手🤣） 根本就唔知應該點樣做， 淨係白白痴痴咁問bb食唔食到， 大佬佢啱啱出世嗰個鐘㗎咋，邊識聽？諗返起都覺得自己低能。。。 但就係咁展開咗我24個月全人奶之路！

＜人生第一口媽媽奶 ＞ 

因為某一啲原因為醫院產後病房我係被隔離左， 其實我唔知其他媽媽係點樣過， 但我就係不停餵奶餵奶餵奶同埋餵奶， 無時無刻都有個bb趴喺心口， 我唔知佢點樣食先至叫夠， 我亦唔知佢食唔食得到， 由於我自己一間房， 除咗派餐嘅時間之外，姑娘都好少入嚟， 可以話係冇人幫， 亦都可以解讀成冇人煩， 甚至原來bb唔夠食可以補奶粉， 我都係出咗院先知，但亦都因為咁我就胡里胡塗咁樣成功展開咗我全母乳之路。。。

 

＜ 坐月時間只係開始 ＞
話說我冇工人冇長老母陪月， 身邊亦冇乜人生咗小朋友， 竟然好大膽咁自己一個人坐月。為咗逃避洗奶樽呢件煩事，我同自己講一定要成功埋身， 頭幾日比bb啜到流曬血， 又未做到供需平衡， 又硬又痛又流血， 每次埋身前我都深呼吸一口氣，流著淚咁樣畀佢啜。 然後又出現母乳性黃疸， 嗰時唔知哪裏來的堅持同固執，決定一個小時餵一次食奶，結果以不眠不休咁又捱過咗呢一關。 因為冇人左右我，冇人畀意見我，反而造就咗我嘅一意孤行， 好多人以為我頂唔到， 結果卻被我發現全埋身餵人奶簡直係懶媽首選！

＜ 捱過最黑暗的日子＞
我嘅人奶之路過完一關又一關， 滿月後我就要面對 #斜頸症 呢個問題。 坐月期間發現林小姐有一邊奶成日都食唔到， 好快就發現係嚴重嘅斜頸症， 呢樣嘢我亦都好感恩自己係餵人奶所以咁早發現！ 由於佢頭仔只轉到其中一個方向， 餵奶就變得好困難， 於是我進入咗全泵媽嘅階段， 呢個亦係我餵人奶最黑暗嘅時光， 因為我真係好怕洗奶樽（很重要要講多次🤣）！ 全泵嘅日子就算出街都要帶個奶泵， 又要帶冰袋， 仲要帶熱水。。。 當時仲要隔日返醫院一次做物理治療， 呢段時間過得最痛苦， 亦為此喊咗無數咁多次。 後來物理治療師建議我一個做法， 因為我個女實在太鍾意飲媽媽奶， 就叫我試下等佢心情好嘅時候就啜返佢飲唔到嗰一邊， 藉此可以令佢條頸做下運動，經過兩個月嘅努力，不但我可以轉返全埋身，而且頸仔亦重新轉得比較有力！ 呢個時候除咗感恩我自己係餵人奶之外，亦都好感恩個女係一個不折不扣嘅奶痴！

＜ 跌出生長線 ＞
林小姐雖然食好多奶，但依然追唔到生長線， 甚至喺半歲之時仲跌出左生長線， 健康院姑娘無限loop叫我補粉， 好彩當時遇到一個好醫生， 佢同我講補粉不如努力加固，一個月後再見醫生。 但由於林小姐堅決唔比餵，結果要行blw，自己主導， 一個月後返去見醫生梗係冇成果啦，好在遇到好醫生，見到林小姐活潑可愛就同我講， 應該畀小朋友選擇佢喜歡進食嘅方式，如果佢怕咗食嘢，反而對增磅重無幫助！ 就係因為咁畀咗好大信心我， 林小姐 #全人奶 加 #blw 十分成功。。。甚至有食窮媽媽之勢。。。

好多人奶bb都面對輕磅嘅問題， 後來有另一位醫生同我提及過， 其實健康院條生長線係為咗奶粉bb而設， 而且bb唔係重就好， 跟番自己條生長線行就冇問題！ 至於點解好多bb會跌咗出去， 另一個原因係， 有bb未出世前媽媽食得太好， 所以儲肥左， 出咗世之後，bb就係一個個體，以佢自己嘅生長線生長喇， 所以變成跌生長線嘅假象！

＜ 全埋身輕鬆期 ＞
半歲之後我發現林小姐係一個 #高需求寶寶， 對媽媽嘅愛簡直荷索無度， 就算開始加固後，佢對媽媽奶嘅需求仍然好高，無論肚餓或者唔開心，佢都想要啜啜兩下作為安撫， 好彩呢段時間已經開始做到全埋身供需平衡 ！最記得係無論任何情況之下喊到收唔到聲， 只要一出媽媽奶奶，就立即破涕為笑， 媽媽奶簡直係最強嘅魔藥！ 就係咁， 囡囡依賴媽媽奶嘅安撫， 媽媽依賴媽媽奶作為最強法寶， 我哋無驚無險捱到一歲， 唔經唔覺 做咗全人奶bb一年！

依段時間連我老公都感染到餵人奶嘅好處， 每次小朋友發燒唔舒服， 我哋會盡量餵多啲奶，食少啲固體， 將人奶嘅抗體傳畀佢， 好快就會好返！（ 當然梗係要睇醫生食藥， 但人奶真係一個最強嘅輔助！）

＜ 當餵奶變成習慣 ＞
踏入第二年餵人奶， 即係聽得最多閑言閑語嘅一年 。。「仲食緊奶？好醜怪呀」「咁大個媽媽啲奶邊有營養㗎？」「食咁多奶唔使食飯啦？」「周街餵奶真係好肉酸！」「冇食奶粉唔怪得咁瘦啦。」「我唔覺得媽媽咪有用囉，咪一樣病！」下刪一千句。。。。

呢啲說話好多餵人奶媽媽應該都聽唔少， 點解我仲要繼續堅持？ 舉一個例子，歲半時候林小姐患上 #手足口， 好多人話除咗發燒唔退之外，全身出滿疹， 喉嚨都會出哂痱滋同瘡， 連嘢都食唔到！結果？好意外地發現 佢喉嚨不單止冇發炎， 仲好好胃口添， 家居隔離嗰幾日由朝就食到晚， 發燒都係發咗三個鐘， 醫生都話可能因為食人奶嘅關係，所以病情都冇咁嚴重！ 當知道囡囡中左手足口，媽媽曾經表示十分內疚， 當媽媽知道人奶可以幫助到佢痊癒， 又覺得好感恩自己餵到而家！

＜ 以自然離乳為目標 ＞
剛剛二月就踏入全人奶兩年嘅日子，好多媽媽知道我仲餵緊，都表示好驚訝， 唔明點解我可以堅持咁耐， 其實而家已經唔係叫堅持，已經變成習慣，其實已經變得不費吹灰之力， 就好似呼吸同食飯咁簡單！雖然時至今日林小姐不時都需要食夜奶， 尤其發惡夢扎醒嘅時候。 朝頭早起身， 又要食一個漫長嘅回魂奶， 但我覺得呢一切， 已經變成我同佢之間最甜蜜嘅習慣， 當佢大叫：媽媽，我要食奶奶！ 真係幾攰都有返力量，甚至唔敢想像有一日佢唔食奶媽媽會幾失落添！

踏入兩歲，林小姐保持不愛睡覺，只愛食嘅人生宗旨，繼續一日3固5奶嘅瘋狂人生，或者你問我，點頂？不如戒啦！我就會問問自己，小朋友嘅願望只係簡單想食奶，點解唔比？朱古力啊糖啊果啲就話唔健康啫，係咪先！ 而且第時開始返學會接觸到好多唔同嘅病菌，我相信人奶依舊重要， 目標係#自然離乳 食到佢唔想為止！