估唔到原來意粉屋都係假日親子節目嘅好選擇，
原來逢星期日就有扭氣球魔術師嚟到呢度同小朋友玩♡
呢日我哋就去咗沙田分店食同玩，
由於佢位於七樓嘅盡頭，
剛好就有一個空間可以俾小朋友玩，
又唔驚走失， 我哋食住野，
遠遠望住林小姐同其他小朋友一齊玩，都好放心丫
#扭氣球
企鵝啦、槍啦、花花啦，你想要乜都有，
其實呢一款企鵝哋都係第一次得到，
林小姐十分珍重，話佢係好朋友喎
#魔術表演
坐定定睇魔術表演， 唔係淨係睇㗎，
小朋友有機會參與魔術表演之中，
小朋友玩得好開心 ，大人又睇得好興奮添!
#兒童餐
呢道嘅兒童餐都係用車車餐盤，
小朋友們似乎一睇就認得係屬於自己嘅套餐，
有麵有雞翼仲有甜品添，
再配多杯果汁，都幾豐富㗎!
意粉屋 @沙田新城市 @將軍澳PopCorn
日期及時間: 逢星期六，下午1時至下午3時
#TheSpaghettiHouse #意粉屋 #沙田新城市分店限定 #將軍澳PopCorn分店限定
沒有留言:
張貼留言