要帶小朋友去旅行絕不簡單，尤其是小朋友耐性有限，就算目的地幾好玩，
漫長嘅車程已經悶到佢哋冇晒心機，最近我哋計劃緊我哋第一個親子遊，
就係 #日本鐵路遊，唔同款式嘅特色觀光火車，有卡通主題嘅，又有懷舊主題嘅，
帶領大人小朋友去每一個目的地，小朋友可以由上車玩到落車，
車程中可慢慢歎一個火車便當，又可以食返杯限定口味雪糕，
真正玩盡旅程每1分每1秒，難忘回憶！
只需要一個JR pass就可以響指定日期裏邊，無限次乘搭JR火車，
出發 福崗自由行 或 鹿兒島自由行 前，梗係要計劃一下究竟想搭邊幾架靚靚觀光火車啦！
#特快列車 「坐Ａ列車去吧」
我自己最喜歡嘅一款車，因為真係好靚! 超精緻懷舊feel，幻想自己回到過去!
呢款車以「16世紀流傳到天草的南蠻文化」為主題設計，
內部裝飾主要係木材和彩繪玻璃，帶點歐陸感，又充滿電影感，每個位都係影相打卡位！
仲有一定要試鹽味香草冰淇淋，好好味， 我亦自此愛上咗海鹽味雪糕添！
列車去邊玩?
呢一架列車嘅目的地喺天草， 搭專用船就可以去到出海睇海豚，
零距離幾十條海豚響你身邊跳躍的確震撼!
#特快列車「阿蘇男孩!」
可愛黑色小狗係阿蘇男孩嘅標記， 呢個絕對係必搭嘅親子火車，
除咗有家庭車廂、親子坐席、仲有兒童遊樂場!
爸爸媽媽們可以享咖啡室慢慢享受小食，小朋友就去遊樂場玩，
開開心心就去到目的地♡
列車去邊玩?
呢架列車係上阿蘇火山嘅， 聽聞風景好靚㗎不過媽媽上次去就因為落雨睇唔到，
希望黎緊可以一齊睇到靚靚風景啦!
沒有留言:
張貼留言