有史以來最熱衷慶祝母親節就係今年喇，爸爸今年提早慶祝母親節，
更隆重地揀咗間十分有情調嘅餐廳，
就係位於銅鑼灣柏寧頓酒店3樓嘅casa pennington，
坐低之前我都好驚呢度唔會太 baby friendly，
點知一坐低，
經理就問我哋要唔要bb櫈啦、填色畫冊啦，同埋嬰兒餐具，
一早自備咗餐具嘅我突然間覺得好窩心，
經理仲問我小朋友要唔要一杯水， 然後佢用左膠杯斟咗半杯水，
我忍唔住讚佢細心到不得了，
做媽媽的一定會懂!
♡蒜蓉包♡
首先上桌嘅就有蒜蓉包，可以畀小朋友食住先唔使等!
簡單啲個蒜蓉包 外面充滿牛油香十分鬆脆， 內層係軟軟嘅麵包，
我哋都不禁大讚如果咁簡單嘅食物能夠做到咁細緻呢間餐廳嘅廚師一定好用心。
♡生蠔♡
話說媽媽已經好耐冇食過生蠔， 呢度有買一送一優惠一定要試，
我哋今日就試咗美國嘅pacific 同埋法國嘅salute，
前者肥美香甜creamy， 後者爽口，富海水味但仍然鮮甜， 質素超高!
♡餐湯♡
我哋試咗兩款湯， 分別係紅菜頭帶子湯， 以及 招牌蠔湯，
前者清新， 後者濃香， 一定要推介蠔湯，
creamy口感來blend成湯嘅鮮蠔同忌廉， 無添加原口味，
淡淡蠔香響口腔裏面縈繞。。。
♡暖沙律♡
熱辣辣嘅蘑菇沙律，即場混入爽脆沙律菜之中,成為別具特色嘅暖沙律，
帶微辣嘅菇香，配清新鮮味，
原來好好食，唔知屋企可唔可以整到類似呢?
♡主菜♡
媽媽嘅主菜係seabass ，香甜肉嫩魚肉， 煎到香脆嘅魚皮，
配上濃香龍蝦汁，仲有火箭菜同薯蓉做伴碟， 成個配搭味道好夾!
♡主菜♡
爸爸嘅主菜係大蝦risotto， 用嘅係上等紅蝦，不但啖啖肉，
配上煙韌嘅意大利飯，口感層次味道一樣豐富，
其實我真係好鍾意好濃嘅汁，真係好香!
♡甜品♡
最重要嘅一定係甜品， 因為係媽媽最十分喜歡嘅朱古力心太軟，
鬆軟朱古力蛋糕入面係流心朱古力醬， 唔太甜朱古力味好香濃，
單講味道已經滿分， 再睇埋甜品碟上人手彩繪圖案，滿分再加分啦，
最厲害嘅係我哋得到melody，
要偷偷聽到隔離枱有個女仔生日， 佢想要畫貓就真係有貓!
｛林太總評｝
其實呢間餐廳嘅氣氛 浪漫得黎又好溫馨，
我哋嗰日食飯除咗見到情侶拍拖之外，
仲有係閨蜜門慶祝生日，
其實都係靜靜的熱鬧嗰種感覺， 你明唔明我講咩呀?
估唔到呢一個氣氛環境我湊住個小朋友都可以享受得到，
一切都因為遠餐廳嘅細心，
一張填色紙盒顏色筆，已經令父母感覺到暖意!
我地自己組合嘅BABY SET~ HAHAH
Casa Pennington
銅鑼灣邊寧頓街13-15號隆堡柏寧頓酒店三樓
#casagroup #casa #Pennington #mothersday
#mrs1amology #生蠔
沒有留言:
張貼留言