今日又帶林小姐黎到D.Park! 睇!恐!龍! 之前成日響屋企睇侏羅紀，林小姐就好鍾意扮恐龍「Roar! 」點知黎到就話驚大大隻，好彩今次有好多其他野玩，又可以跑步，扮比恐龍追，又可以帶電筒去探險搵恐龍，仲可以學恐龍英文， 完成任務仲有小禮物送添! ok go ! 活動由即日起至到7月14日都有得玩㗎！~
今次響Donut Village 嘅「家庭主題體驗館」主題係 #恐龍， 之前好多人都瘋傳過，原來美國印第安納大學和威斯康星大學共同進行一項有關恐龍對兒童影響的研究，發現鍾意研究恐龍嘅小朋友其實好聰明， 所以今日我就帶林小姐黎認識恐龍，睇下可唔可以變聰明♡
#即玩! #六個體驗區
🦖ZONE 01: SPEAK發音－互動恐龍PHONICS學習
佢讀一次，你讀一次，讀啱咗就過關！ 估唔到而家呢個遊戲對幾歲嘅小朋友冇難度。。
🦖 ZONE 02: SIGHT視覺－「恐龍夜光間」學習恐龍冷知識
拎住個電筒入去山洞，搵下夜光恐龍就搵到答案㗎啦！（ 好貼心嘅係電筒用led燈，小朋友玩就唔驚傷到眼睛。）
🦕ZONE 03: TASTE味覺－#免入場費親子餐廳 品嘗恐龍造型MENU
Dpark最受歡迎親子餐廳梗系Donut Cafe， 呢期仲特別整咗恐龍大餐， 雖然免費入場，不過有最低消費，記得訂位！
🦖ZONE 04: RUN動感－ #刺激體感互動遊戲
響草地上大力踏踏踏，就會感測到你跑步嘅速度，顯示響螢光幕上面，同斑馬同步呀， 唔好畀恐龍追到呀!
🦖ZONE 05: SOUND聲音－#全港首個智能發聲的1:2暴龍
呢隻大大隻林小姐話好驚喎， 梗係啦一比二咁大隻。。。 佢仲會識叫添！
🦕呢個小朋友購物天地當然唔少得恐龍主題產品，有書有公仔仲有玩具!
🦖週末特別活動，#迅猛龍暴走 ~
最驚喜！高過曬我哋嘅迅猛龍會於週末周圍走， 等你野生捕捉， 完全係一個流動打卡景點， 記得留意佢出現時間！
#暴走迅猛龍 #現身詳情
地點 D·PARK愉景新城L1層和Donut Village
時間 逢星期六、日及公眾假期：下午3時至5時
｛提提你｝記得免費登記入場後，先領取入場禮品及任務指南，完成各個體驗區的任務後，小朋友更會獲得小禮物！
#DonutVillage #家庭主題體驗館 #恐龍體驗館 #DonutAdventure #DINO101 #DONUT&AhMeow #親子裝 #尋龍記
沒有留言:
張貼留言