唔講你或者唔知，（其實有冇乜必要知🤗）， 林太其實係九龍城長大，
記得呢個當時稱為 #美食之城， 而且位處接近廣播道， 每日都係明星搵食之地，
必吃超滑豆花、清真牛肉餅，同一街泰式美食！
呢一日就約埋 ＃全職bb聯盟 一班好朋友，
帶埋林小姐重溫我嘅九龍城狂熱，
返嚟食餐好~ 我地揀左 黃珍珍泰國菜館 - 九龍城店 ，
記得當年已經晚晚滿座咖啦， 今晚都唔例外！
［林太推介必吃]
🥢椰青
林太林小最愛，但咀尖BB 只愛清甜嫩肉椰青，
佢今次自己搶住飲，證明質素啦！
🥢金柚大蝦沙律
金柚拆肉，拌入紅葱頭、 魚露、青檸汁及椰糖，
甜中帶酸，仲布有啖啖肉大版蝦！
🥢明爐烏頭魚
魚王林小姐必點！肉嫩清香，而且熱住食，BB 們可以慢慢歎
🥢咖喱炒蟹配法包
大肉蟹、別加入蟹膏一齊煮嘅咖喱汁，蘸麵包食，
辣而鮮甜，味覺層次一流！
🥢雜錦沙嗲串燒～
沙嗲串燒係食泰菜必吃，以黃薑粉、咖喱粉、胡椒粉、豉油、
魚露和糖醃過嘅雞肉同牛肉，又厚又嫩，明火燒到勁香，
加埋以黃咖喱、椰汁同花生碎混成嘅沙嗲醬食～YUMMY！
🥢炭燒豬頸肉
呢個亦係林太最愛呀，炭燒風味真係同爐燒冇得比，又香又Juicy~
🥢冬陰功湯
酸酸辣辣有層次， 明爐上枱，熱住食真係好過癮！
🥢甜品拼盤
林太嘅主菜嚟啦， 最好食係椰青糕，
晶瑩剔透裏面係絲絲椰青肉， 清甜到不得了！
🥢芒果糯米飯🥢雙色黑白糯米
芒果糯米飯係林太最愛， 白糯米同黑糯米都有， 煙韌有咬口，
加埋濃郁椰汁同鮮甜芒果一齊食， 香而不膩，大愛！
［後記］
本來以為泰國菜冇乜嘢啱小朋友食，
點知 有辣有唔辣 ，呢個小朋友食到飽飽大滿足；
嗜辣爸爸都食得好開心，梗係啦唔使就個女叫野食！
#九龍城 #搵食 #泰菜 #家庭聚餐 #椰青
沒有留言:
張貼留言