生完BB元氣大傷，養生調理身體真係唔可以懶，
但做得全職媽媽想睇個醫生？知而行難！
唔帶得BB嘅活動一概 Say No！
今日我突破地帶埋林小姐去
#親子商場 #愉景新城 #農本方中醫診所，
做乜？做天灸呀！原來除咗媽媽之外，一歲以上BB都做得，
唔使食西藥，又可以齊齊預防病痛，媽媽我最Buy!
天灸即係「冬病夏治」同「夏病冬治」，
有云「三伏天灸, 三九天灸」意思係夏季小暑後的三至四個特定日子，
冬至起的三個九天，響唔同穴位敷貼中藥，
從而產生溫熱效果，藉此從根本改善體質，預防疾病，
聽聞尤其對鼻敏感、
氣管敏感最好，小朋友易感冒就最適合！
｛親子試做報告｝
１.首先醫師會先把脈診斷一下，然後會按不同情況決定用咩穴位。女醫師詳細同我同女女把脈，講哂我地身體問題出黎，連林小姐生活壞習慣都中哂！（心諗，準過睇相係咩玩法？）
2. 藥貼以白芥子、甘遂、細辛、丁香、吳茱萸等性質溫熱的藥物，並用薑汁調和。
3. 藥貼大人可以貼２小時，小朋友貼半小時。
4. 敷嘅過程中可以自由活動，所以貼完去行街都得，唔驚小朋友無耐性。
5. 敷時有D熱，但唔辣的，好舒服！（林小姐仲勁歎唔郁。。。喜好特別！）
{林太重點穴位}
除基本穴位外，由於腸胃差，而且因為餵人奶經期不準，次次都痛，醫生仲特別為我做埋2個 #女士必做穴位!
＊背部大椎＊是陽氣匯集之處，有升陽、補虛作用。
＊風門＊常用於感冒、慢性咳嗽、哮喘、鼻敏感等肺系虛寒性疾病。
＊肺俞＊調肺氣、補虛。
＊腎俞＊補腎助陽。
＊腹部天樞＊理氣、消滯、化濕。
＊歸來＊調經通絡，活血化瘀。常用於月經不調、帶下、不孕等婦科病症。
{林小姐重點穴位}
醫師掃一掃佢小小手指，就知佢「熱底」，唔愛訓覺，脾氣暴躁！
＊脾俞＊健脾利濕、益氣。脾胃為先天之本，有利小兒強壯體質。
點解我揀 農本方?
佢有現代化中醫診症服務，診所環境乾淨整齊，
唔似舊式中醫館，未睇都已經嚇親寶寶。
佢好多分店，我自己揀愉景新城，
因為做完即可以同小朋友去一玩同食野，十分方便！
農本方中醫師均為專業註冊中醫師，擁有大學或以上學歷，
具多年中醫診症及臨床經驗，信心囉～睇小朋友都係專業好！
#飛媽生活 #femumliving #農本方中醫診所 #天灸 #小兒 #現代化 #中醫保健 #愉景新城 #小兒
沒有留言:
張貼留言